مهم جدا عشان الناس اللى خايفه تسافر وترجع من المطار بسبب البطاقة المدنية

مهم جدا عشان الناس اللى خايفه تسافر وترجع من المطار بسبب البطاقة المدنية

▪لو مجدد اقامة قبل 10/3/2019 بيوم ف انت غير مطالب بأي شيء، وهتخرج وتدخل البلد عادي جداً على قديمُه.

الكلام كله من بعد التاريخ ده...

وباختصار هتدفع التأمين اونلاين وتروح الجوازات تطبع معاملتك وتشتري طابعك وتقدم معاملتك عادي وشكراً.

▪مش محتاج تجدد البطاقة بالتليفون زي زمان، فقط لازم تدفع رسوم تجديدها اونلاين برضو خلال شهر عشان الغرامة ولما تدفع والبطاقة تجهز بتروح تستلمها.

▪في حالة وجود خطأ في الاسم او رقم الجواز بتراجع هيئة المعلومات، صالة رقم 2 الخاصة بالوافدين، ويكون معاك صورة للمدنية وللجواز وتطلب التعديل.

▪ بعض الجوازات ارقامها بتكون مكونة من أحرف وأرقام، فلو المدنية طلعت بالأرقام بس فده يعتبر خطأ واجب تصحيحه زي الاسم.

▪الاسم اللاتيني في بعض الحالات بيتكتب مختصر، يعني لو Ahmed Mohamed Mahmoud عادي ممكن تلاقيه Ahmed M Mahmoud فده مش خطأ في الاسم، دي مقصودة.

⁦▪⁩ لو اسمك في الجواز خماسي عادي لو لقيته رباعي فقط في المدنية، غالباً هيشيلوا الإسم الرابع ويخلوا الخامس، ويختصروا التاني والتالت او واحد منهم، المهم إن الاسم الأول والاخير يكونوا صح وكاملين، سواء عربي أو لاتيني.

▪ على ضهر البطاقة بيتم كتابة الاسم اللاتيني مرة تانية ولكن بشكل معكوس، دي مافيهاش مشكلة ولا تؤثر على شيء.

▪يُفضل من وانت بتجدد في الجوازات تاخد برنت منهم برقم الجواز والاسم اللاتيني عشان لما يحصل اي خطأ في المدنية هيطلبوا منك تراجع الجوازات، وهنا تكون انت جاهز بالبرنت ده.

وهم دلوقتي بالفعل بقوا بيطبعوا البرنت ده تقراه وتقارنه ببياناتك وتمضي عليه وتاخد منه نسخة عشان في حالة اي خطأ في المدنية ماترجعش تاني للجوازات تجيب اي ورق.

▪ في البداية لما بيكون في خطأ في البيانات كانوا بيكتفوا بإنك تدفع رسوم المدنية مرة واحدة ويعفوك منها عند التصحيح، دلوقتي لانهم ألزموا الناس من التأكد من بياناتها من الجوازات فبقى اللي محتاج تعديل لبياناته مضطر انه يدفع رسوم المدنية مرة تانية.

⁦▪⁩ تعديل الاسم اللاتيني على موقع الخدمة المدنية بقت اونلاين

هاتدخل على الموقع وتضغط على خانة الخدمات الالكترونية 

ثم التحقق من الاسم اللاتيني اضغط عليها..

دخل بيانات الرقم المدني ورقم المسلسل اللي بيكون في ضهر المدنية وتدخل رقم موبايلك، هيجيلك رمز تحقق على موبايلك، تدخله هتفتح معاك صفحة التعديلات.

طبعا لو محتاج تعديل هيطلبوا منك صورة من جواز السفر، برضو هتدخل الصورة اونلاين وبعدها هيتم التعديل.

لينك التعديل: https://e-envelope.paci.gov.kw/nonKuwaitiLa…/CheckCivID.aspx

▪لما تجدد المدنية بتاخد 3 او 4 ايام من بعد ماتدفع الرسوم، ولما بتشيك بتظهرلك رسالة "جاري إصدار البطاقة، برجاء إعادة المحاولة خلال اسبوع".

▪في حالة فقدان المدنية (نظام جديد) أثناء تواجدك خارج الكويت بتراجع سفارة الكويت في البلد اللي انت فيها وبتعمل شهادة لدخول الكويت، بتستخدم مرة واحدة.

وبعد وصولك بتقدم على بدل فاقد لمدنيتك.

ولو ضاعت في بلد مافيهاش سفارة بتخلي كفيلك او ال HR في شركتك بيراجعوا الجوازات ويعملوا الشهادة دي ويرسلوها لصاحب المدنية المفقودة وبيدخل بيها الكويت.

▪ في حالة تجديد الجواز وانت على النظام القديم، لما ترجع الكويت كالعادي بتقدم الجوازين في المطار وخلال شهر من دخولك عليك انك تراجع الجوازات، او حتى لو جددته من هنا، لما بتروح تنقل البيانات بيكون على النظام الجديد، بيتم إلغاء الاستيكر والاعتماد على المدنية، وده بيتطلب منك تجدد المدنية وتدفع رسومها كأنك مجدد إقامة.

وبرضو تخلي بالك من صحة البيانات اللي هتنطبع على المدنية.

* مسموح بمشاركة البوست، او النقل بشرط حفظ حقوق صفحة Kuwait Insiders.

** البوست منقول من محتوى جروب Kuwait Insiders