صانع العجائب بصلاته ) مارك
أحب أنى احكى معجزه حصلت معايا بشفاعه القديس مارك الاولى ان انا عندى ابن بيدرس فى الكليه وانا أقيم بالخارج فى دوله اوربيه ولازم علشان يدفع القسط التانى لاذم نقدم الدخل وإلا ندفع اعلى شريحه. وبدون دفع ممكن يلغوا اشتراكه فى الكليه والحقيقه أنى ذوجى من حاولى سنتين بيشتغل قليل جدا والحاله الماديه مش إد كده فعلا قدمنا الدخل عن طريق المعاشات إللى بدورها بتبعت الكليه ولكن لقينا ان المعاشات أصدرت الدخل بس يسقط بعد ثلاثه أسابيع..
والحقيقه كنت خايفه جدا ان الكليه متقبلش الدخل ده ولقيت ابنى بيقلى انهم خفضوا لبعض الطلبه معاه فقلت للقديس مارك انا اول مره اتشفع بيك لو فتحت صفحه ابنى بتاعه الكليه ولقيت انهم خفضوا القسط يبقى دى بركه شفاعتك وفعلا حصل.
وإلحاجه التانيه ان ابنى بيشتغل اخر الأسبوع ذى حارس مباريات كره القدم وكانو طالبين انه يسجل نفسه كعامل موسمى فى هيئه المعاشات وبعدين يعطوا ليه وصل ويقدر يفتح حساب وبكده يحطوا فيه الأجر وفعلا سجل نفسه لكن اقعد أكتر من أسبوعين من غير نتيجه مع انهم قالوا هيبعتوا الوصل بعد اربعه ايام اتصل ابنى بيهم فقالوا احنا بعتناه وفى الحقيقه لم يصل. ووعدوا بان يرسلوا اخر وعلينا الانتظار اربعه ايام اخرى وفى الحقيقه انتظرنا تسعه ايام اخرى والنهارده وانت بفتح صندوق البوسته قلت لو لقيت الإيصال يبقى دى معجزه منك وانا. هبعتها علشان الناس تاخد بركتك وفعلا حصل. ولقيت الإيصال بركه شفاعته معانا امين رجاء محبه نشر المعجزة بالحروف الاولى ل. م شكرًا للجميع .. :)
++++++++++++++++++++++++++++++++++++++++++++++++++
كان في مشاكل كبيره اوي مع اخويا ومراته وكان بقالها شهور سايبه البيت وكل شويه المشاكل بتكبر ومكنش في امل للرجوع .لانه كان موضوع معقد اوى بس انا طلبت القديس مارك وقولتلو رجعهم بيتهم ..وندرت احكي المعجزه.واجيب 50نسخه اوزعهم.
وفعلا حصل الصلح وروحو بيتهم والمشاكل خلصت بطريقه عجيبه وفرحانين بابنهم . وعايزه اقول انه مش بيتاخر عليا ابدا لما بطلبه :)
+++++++++++++++++++++++++++++++++++++++++++++++
أنا اسمى سالى عياد وكانت عندى حساسيه جامده فايدى ورجلى وكنت كشفالهم قبل كدا فالدكتوره قالتلى اعملى تحاليل وكدا فكبرت دماغى ..
المهم فيوم جبت كتاب مارك طلبته هو و فيلومينا .. فجاءه حسيت ايدى ورجلى هديو خالص ونمت وليا يومين 3 مفيش اى حساسيه بس انا مستنياه فموضوع تانى وهتبقى دى احﻻ واجمل معجزه منك يا مارك .. فرح قلبنا يا مارك :)