عاجل : لكل من يمتلك سيارة فى خلال 3 اشهر
عااااجل يا جماعه
لقيت خبر بموافقه مجلس الوزراء علي تعديل قانون المرور ومضمون التعديل ان اللي عنده عربيه ومش باسمه في المرور وماشي بتوكيل يخلص نفسه ويرخصها باسمه بسرعه هتبقي مقتله في الشهر العقاري والمرور لما القانون يطلع رسمي....
وطبعا مجلس النواب مش بيرفض للحكومه طلب يعني أعتبر القانون اتعدل خلاص😒
العربيات مش هتمشي باكتر من توكيل واحد من صاحب الرخصه والتوكيل مده صلاحيته 3 شهور ولازم تنقل في المرور والا هيعتبر التوكيل كأن لم يكن.
فيه فتره انتقاليه 3 شهور بعد ما مجلس النواب يوافق علي التعديل لازم ملاك عربيات الدوله كلها تنقل وتخلص ورقها في الشهر العقاري والمرور وتخيل بقه الزحام 😏
وانسي تجاره العربيات وشغل العك بتاع العربيه اللي معاها 15 توكيل 😁
التاجر اللي عنده عربيه يزوقها من دلوقتي لان هيبقي مطلوب منه يرخص باسمه ✋
ومفيش شراء عربيات الا للي هيرخص باسمه لان توكيل واحد
شكل العربيات هتصدي يا جدعان 😁
الخبر بيقول
مجلس الوزراء وافق علي مشروع قانون بتعديل قانون المرور
وهي التعديلات الاتيه :-
إضافة فقرة ثانية للمادة رقم 19 من قانون المرور تنص على" وفي جميع الأحوال لا يجوز نقل ملكية المركبة إلا بناء على طلب مالكها، أو وكيله الخاص لمرة واحدة، ولا يجوز إصدار توكيل ثان من المالك أو وكيله عن ذات المركبة، ويجب نقل الملكية خلال ثلاثة أشهر من تاريخ صدور التوكيل وإلا اعتبر كأن لم يكن".
فقرة ثالثة للمادة 22، تنص على " وتجدد رخصة المركبة بناء على طلب مالكها، كما يجوز تجديدها بالنسبة للأشخاص الطبيعيين بتوكيل خاص لمرة واحدة من مالك المركبة يكون ساريًا لمدة ثلاثة أشهر من تاريخ صدوره وإلا اعتبر كأن لم يكن، أما بالنسبة للأشخاص الاعتباريين فيجوز تجديدها بتوكيل عام يسري لمدة سنة من تاريخ صدوره".
مع اقرار فترة انتقالية مدتها 3 أشهر لتوفيق الأوضاع لمن تنتهى توكيلاتهم في مدة الأشهر الثلاثة.
ليست هناك تعليقات:
إرسال تعليق
شاركنا رأيك